Urkunde Nr. 1331 aus Band III

Seite im UB:

108-110

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1331

1394 Dezember 29 König Sigmund bekräftigt für Magister Gregor von Bethlen und Magister Peter von Malmkrog die Urkunde des Königs Sigmund von 1393 Nr. »1300 mit der Urkunde des Weissenburger Kapitels von 1391 Nr. »1281 beziehungsweise der Urkunde des Königs Sigmund von 1391 Nr. »1279, betreffend Eppeschdorf, Johannisdorf, Hohndorf, Ehrgang und Gugendorf.

[S. 109] Von der Kanzlei: Propria commissio domini regis.

[S]igismundus¹⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Ordo suadet aequitatis et ad apicem pertinet regiae pietatis, ut ea quae inter suos fidos subditos rite processerunt illibate conserventur et quae ab his in horum solidationem iuste petuntur ad exauditionis gratiam admittantur. Proinde ad universorum notitiam harum serie volumus pervenire, quod fideles nostri dilecti aulae nostrae milites magistri Gregorius filius Johannis de Bethlen et Petrus filius Apa de Almakerek nostrae celsitudinis adientes conspectum exhibuerunt nobis quasdam literas nostras patentes secretiori sigillo nostro consignatas tenorem quarundam literarum capituli ecclesiae Albensis Transiluanae factum cuiusdam possessionariae divisionis inter ipsos et Ladizlaum filium Emeriti factae concernentium transsumptive verbaliter in se habentes tenoris infra scripti, supplicantes exinde maiestati nostrae humiliter et devote, ut easdem ratas, gratas et acceptas habendo nostrisque literis privilegialibus verbotenus inseri faciendo pro ipsis et eorum heredibus innovantes perpetuo valituras dignaremur confirmare. Quarum tenor talis est. (Folgt die Urkunde des Königs Sigmund von 1393 Nr. »1300 mit der Urkunde des Weissenburger Kapitels von 1391 Nr. »1281 beziehungsweise der Urkunde des Königs Sigmund von 1391 Nr. »1279.) Nos igitur humillimis et devotis ipsorum magistrorum Gregorii et Petri supplicationibus nostrae per ipsos subiective oblatis maiestati regia benignitate exauditis et clementer admissis praefatas literas nostras patentes non abrasas, non cancellatas nec in aliqua sui parte vitiatas sed prorsus omni suspicionis vitio destitutas praesentibusque verbotenus insertas quoad omnes earum continentias et clausulas acceptamus, approbamus et ratificamus, eas nihilominus requirentibus fidelibus eorundem servitiis nobis per eos loco et tempore opportunis exhibitis de praelatorum et baronum nostrorum consilio praematuro ex certaque nostrae maiestatis scientia pro ipsis magistris Gregorio et Petro ac eorum heredibus heredumque suorum successoribus et posteritatibus universis simul cum praemissa possessionaria divisione superius in earum tenoribus limpidius expressa innovantes perpetue valituras confirmamus praesentis scripti nostri patrocinio mediante, salvo solomodo iure alieno. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri duplicis munimine roboratas. Datum per manus reverendissimi in Christo patris et domini, domini Johannis archiepiscopi Strigoniensis locique eiusdem comitis perpetui necnon primatis et apostolicae sedis legati ac aulae nostrae et reginalis maiestatum eximii cancellarii dilecti nostri et fidelis, anno domini M^mo CCC^mo nonagesimo quinto, quarto Kalendas mensis Januarii, regni autem nostri [S. 110] anno octavo. Venerabilibus in Christo patribus et dominis Valentino tituli sanctae Sabinae sacrosanctae Romanae ecclesiae presbytero cardinali almae ecclesiae Quinqueecclesiensis gubernatore ac eodem domino Johanne ipsius ecclesiae Strigoniensis, Nicolao Bubek Colocensi, Petro Jadrensi, Andrea Spalatensi et altero Andrea Ragusyensi archiepiscopis, Johanne Waradiensi, Demetrio Transsiluanensi, sede Zagrabiensi vacante, Stephano Cyko Agriensi, Johanne Boznensi, Materno Wesprimiensi, Johanne Jauryensi, Petro Wachyensi, fratre Gregorio Syrimiensi, Mychaele Nitriensi, Johanne Chanadiensi, Grisogono Traguriensi, Francissco Scardonensi, Paulo Tininiensi, Johanne Nonensi, Anthonio Sybiniensi, Nicolao Corbauiensi et Leonardo decretorum doctore Senyensi ecclesiarum episcopis ecclesias dei feliciter gubeniantibus. Necnon magnificis viris Lewstachyo de Ilswa regni nostri palatino et comite Albensi, Frankone filio quondam Konyae bani vaivoda nostro Transsiluano et comite de Zonuk, comite Johanne de Kapla iudice curiae nostrae, Detrico Bubek Sclauoniae, Nicolao de Gara regnorum nostrorum Dalmaciae et Croaciae, Stephano de Korog et Nicolao Trentul Machoniensi banis, honore banatus Zeuriniensis vacante, Nicolao filio Johannis de Kanysa tavarnicorum, Ladizlao filio Petri de Garow ianitorum, Georgio de Chythnuk dapiferorum, Johanne de Peren pincernarum, domino Stephano pridem palatino agasonum nostrorum magistris, Styborio de Styborchych comite Posoniensi aliisque quampluribus regni nostri comitatus tenentibus et honores.

<re>Von der Kanzlei: Propria commissio domini regis. </re>


1) Raum für S leer gelassen.^{^}